"பயித்தியகாரத்தனமான பதிவுகள்- பகுதி 1"

"கனவில் விழுந்ததடி மண்"

காலர் டியூன் இல்லாத
வழக்கமான ட்ரிங் ட்ரிங் சத்தம்:
'ஹாய் நித்தி, engagement ஆய்டுசாமே,
கங்ராட்ஸ் டி'
'ஹே தேங்க்ஸ் டா, நீ தான் first wish பன்ற,
i like u so much டா'
'ஹ்ம்ம் lil busy yaar cal u later, take care'
'சரி டியர், bye'
இணைப்பு துண்டிக்கப்பட்டவுடன் தோன்றியது..

            "என் கனவில் விழுந்ததடி மண்
              ஒரு சின்ன சந்தேகம்,

கனவு எங்கே பிறக்கிறது..?
தலையிலா..?
அப்போ அங்கேயும் மண் தான் இருக்குமா..?
என் கனவில் விழுந்ததடி மண்" 

 >>>புலம்ப வச்சிடாலே மச்சான்<<<

 

  

எண்ணமும் எழுத்தும் 
    >>ஷதீஸ் பழனி<<

  

"மழை செய்த பிழை"

என்னவள்
வரைந்த அரிசிமாக்கோலத்தை,
ஏனடி அழித்துச்சென்றாய்..?
ரசனையில்லா மழைப்பெண்ணே... 

எண்ணமும் எழுத்தும்  
    >>ஷதீஸ் பழனி<<

"தனியன்"

கண்ணீரினால் ஓர் மாளிகை அமைத்து,
அதில்,
நான் மட்டும் தனியாய்;
உன்னை நினைத்து...

எண்ணமும் எழுத்தும் 
   >>ஷதீஸ் பழனி<<

"மாமகிழ்ச்சி"

மழைப்பார்த்துத் தோகை விரித்தாடும்
மயில் போல நானும்,
மாமகிழ்ச்சி கொண்டேன்;
சிலையே, நீ எனைப் பார்த்த பொழுது...

எண்ணமும் எழுத்தும் 
     >>ஷதீஸ் பழனி<<

"பதிலறியா முட்டாள் நான்"

உருக்காலை இரும்பாக
உருகித்தான் போனதடி
என் நெஞ்சம்.,
ஆயினும் சிலையானால்
உந்தன் உருவை பிரதிபலிப்பேன்...
ஏனென்று கேட்காதே,
பதிலறியா முட்டாள் நான்... 

எண்ணமும் எழுத்தும் 
   >>ஷதீஸ் பழனி<<

"காதல் தேவி"

காகிதக் கப்பலேறி
கடல் நெடுகப்பயணம் சென்றேன்
கடற்க்கன்னி காண சென்றேன்
காதல் தன்னைக் கூற சென்றேன்
மழைப் பெண்ணும் பூக்கள்
தூவி மனமார வரவேற்றாள்;
காற்றுப் பெண் இசைமீட்டி
காதோரம் பாடிச் சென்றால்;
குளிர்ப் பெண்ணோ கட்டியணைத்தால்
மழைப் பெண்ணின் வருகை கண்டு;
நிலவுப் பெண் கர்வமுற்றால்
குளிர்ப்பெண்ணின் விஷமத்தால்;
இத்தனை பெண்கள் கண்டேன்
எனக்கான பெண் எங்கே..?
எந்தன் ஆசைக்கடற்கன்னி..!




 











மெல்லிய அலை நிலை மாறிப்போனதால்
கடல் பெண்
சலனமுற்று
என்கப்பல் அங்குமிங்கும் ஆடச் செய்தால்
நிலைகுலைந்த காகிதப் பெண்
நிதர்சனமாய் மூழ்கிப்போனால்,
நானும் ஆங்கே இறந்து போனேன்
கனவில் எந்தன் கன்னியோடு,
காகிதத்தில் பொறித்திருந்த
காதல் கொஞ்சும் வரிகள் கண்டு,
அங்குமிங்கும் தேடிப் பார்த்தால்
எந்தன் ஆசைக் கடற்கன்னி...
ஆங்கே.,
எந்தன் உயிரற்ற உடல்கண்டு
ஓயாமல் அழுதுபுலம்ப
கடல் நீரும் பெருகிப் போச்சே
கண்ணே உன் கண்ணீரால்...
அழுதழுதே மாண்டுபோனால்
ஐய்யஹோ.,
என் காதல் தேவி
என்னால் தான் மரித்துப்போனாள்
ஆவியாய் நான் புலம்பி நின்றேன்,
சொர்கச்சாவியாய் கடற்கன்னி- நீ 
என்னருகே வந்ததென்ன..??
எந்தன் மகிழ்ச்சிக்கோ எல்லையில்லை
"நம் உடல் கடந்த காதல் வாழ்க"
என்று கதைத்து சொர்க்கம் சென்றோம்...  

எண்ணமும் எழுத்தும்
   >>ஷதீஸ் பழனி<<

"தாத்தாப் பூ"

நாம் பழகிய பால்ய நாட்கள்
நினைவிருக்கிறதா உனக்கு...??
நிச்சயமாய் நினைவிருக்காது,
நீயுமோர்  பெண் தானே.
சரி,
சொல்கிறேன் கேள்.,
உனக்கு தாத்தா பூ என்றால் மிகவும் பிடிக்கும்
அதனால் எனக்கும் கூட பிடித்துப் போனார் தாத்தா
பூவைக் கையிலேந்தியபடி நீ
"தாத்தா காசு குடு, இல்லாட்டி உன் தலைய வெட்டிருவேன்"
"குடுக்க முடியாது போ"
 மீண்டும் நீ, தாத்தாவின் குரலில்.
"இப்போவே உன் தலைய வெட்டுறேன் பாரு"
என்று கொஞ்சல் மொழியுடன்
தாத்தாவின் தலை கொய்வாய்;
உனக்கு பிடிக்குமென்று
நான் கூட இப்படிச் சில
கொலைகளைச் செய்ததுண்டு:
இப்பவாச்சி ஞாபகமிருக்கா..??
இருந்தாலும் இல்லையென்று
தானா சொல்லப் போகிறாய் 
அழகிய பொய்காரி. 

எண்ணமும் எழுத்தும் 
    >>ஷதீஸ் பழனி<<










புகைப்படம் எப்படி இருக்கு..?? இந்த பதிவுக்காகவே எடுத்ததுங்க...